គ្រាន់តែភ្លៀងធ្លាក់ប៉ុន្មានមេធ្វើអោយផ្លូវថ្នល់១ចំនួនធ្វើដំណើរលែងរួច

ផ្លូវ១ខ្សែក្នុងភូមិអញ្ចាញ ឃុំនគរធំ ក្រុង-ខេត្តសៀមរាប ស្ថិតត្រង់ចំណុចពីចុងផ្លូវលេខ៦០ម៉ែត្រខាងកើត ឆ្ពោះសំដៅទៅទិសខាងជើង (ទៅទ្រនប់អញ្ចាញ) បានដាច់ខ្ទេចធ្វើដំណើរលែងរួចអស់រយៈពេលប៉ុន្មានឆ្នាំមកហើយ តែអាជ្ញាធរមិនព្រមធ្វើថ្មី ឬមិនធ្វើការជួសជុលទាល់តែសោះ ដោយយកលេសថា ដីអាជ្ញាធរអប្សរាទៅវិញ។

ជារៀងរាល់រដូវភ្លៀងធ្លាក់ម្តង់ៗ គេសង្កេតឃើញថា កំណាត់ផ្លូវប្រហែល១ពាន់ម៉ែត្រខាងលើត្រូវបានលេចលុង ដែលជាហេតុធ្វើអោយប្រជាពលរដ្ឋធ្វើដំណើរលែងរួចមិនថាអ្នកជិះ ឡាន ជិះម៉ូតូ ឬកង់នោះទេ ពួកគេត្រូវតែហែលទឹកឆ្លងទៅមក។

ប្រជាពលរដ្ឋអ្នកតែងធ្វើដំណើរតាមដងផ្លូវខាងលើនេះក៏មិនតិច ណាស់ណាដែរ ហើយពួកគាត់បានត្អូញត្អែជាយូរណាស់មកហើយសុំអោយអាជ្ញាធរជួសជុល ផ្លូវប្រវែងប៉ុនសរសៃសក់ខាងលើបើប្រៀបធៀបនឹងផ្លូវផ្សេងទៀត។ ពួកគាត់បន្តថា ពីមុនអាជ្ញាធរគេថា ផ្លូវនេះពាក់ព័ន្ធដីអាជ្ញាធអប្សរា ហើយអាជ្ញាធអប្សរាគេជាអ្នកធ្វើ តែរហូតដល់ពេលនេះផ្លូវនៅតែដាច់នៅឡើយ ពួកគាត់នាំគ្នាហែលទឹកទៅហើយក៏គ្មានអស់លោកណាគេមើលឃើញទេ។ ប្រជាពលរដ្ឋបន្តថា ផ្លូវវាដាច់ដុបៗ បើដាច់ទាំងអស់អាចជិះទូកដរបានពួកគាត់ជួលទូកដរជិះបាត់ទៅហើយ។ ពួកគាត់បន្ថែមថា បើអាជ្ញាធរក្រុង និងអាជ្ញាធរខេត្តគ្មានសមត្ថភាពធ្វើផ្លូវប្រវែង១ពាន់ម៉ែត្រខាងលើ នេះទេ អាជ្ញាធរគួរតែឧបត្ថមទូកបាន២គ្រឿងដល់ពួកគាត់គ្រាន់ធ្វើដំណើរឆ្លង កាត់ផ្លូវលិចទឹកនេះ។

លោកស្រី តាន់-គន្ធា ក្រុមប្រឹក្សាឃុំនគរធំ បានប្រាប់តាមទូរស័ព្ទនៅព្រឹកថ្ងៃទី១៧នេះថា ពីមុនខាងអាជ្ញាធអប្សរាគេថាគេជាអ្នកធ្វើផ្លូវខាងលើនេះ តែក្រោយពីអាជ្ញាធរឃុំធ្វើការស្នើរសុំជួសជុលផ្លូវខាងលើតាមសំ ណើរប្រជាពលរដ្ឋនោះ ទើបអាជ្ញាធអប្សរាបានទំលាក់គំរោងខាងលើអោយមកឃុំសង្កាត់វិញ តែដោយសារឃុំពុំទាន់មានថវិការគ្រប់គ្រាន់ក្នុងការសាងសង់នៅ ឡើយទើបផ្លូវនៅតែដាច់ដូច្នេះ៕

សូមមើលផែនទីខាងក្រោម