សមេ្តច ហ៊ុនសែន ​បាន​ទទួលសំបុត្រពីលោក សមរង្ស៊ី

លោក​ សម​ រង្ស៊ី មេ​ដឹក​នាំ​គណ​បក្ស​ជំទាស់​សង្រ្គោះ​ជាតិ​ ​បាន​សរសេរ​លិខិត​ចំនួន​ពីរ​ច្បាប់​ដាច់​ដោយ​ឡែក​ពី​គ្នា​នៅថ្ងៃ​ព្រហស្បត្តិ៍​ទី​១៨​តុលា​នេះទៅ​ជូន​សមេ្តច​នាយក​រដ្ឋមន្ដ្រី ​ហ៊ុន ​សែន ​និងថ្វាយ​ព្រះ​មហា​ក្សត្រ។ ​ប៉ុន្តែគេ​មិន​ទាន់​ដឹង​ពី​ខ្លឺម​សារ​ពិត​ប្រាកដ​នៃ​សារ​លិខិត​ទាំង​ពីរ​នោះ​នៅ​ឡើយ។

លោក​យឹម ​សុវណ្ណ ​តំណាង​រាស្ដ្រ​មណ្ឌល​ក្រុង​ភ្នំពេញ​និង​ជា​អ្នក​នាំ​ពាក្យ​គណបក្ស​សង្រ្គោះ​ជាតិ​បាន​​បញ្ជាក់​ថា​មានលិខិតដូច្នោះ​មែន​ប៉ុន្តែ​លោក​មិន​អាច​បញ្ជាក់​ពី​ខ្លឹម​សារ​មុន​ម៉ោង​៥​ល្ងាច​នេះ​បាន​ទេ។

លិខិត​ទាំង​ពីរ​ធ្វើ​ឡើង​បន្ទាប់​ពី​លោក​សម ​រង្ស៊ី​ បញ្ជាក់​ថា​លោក​នឹង​វិល​ត្រឡប់​មក​កាន់​ប្រទេស​កម្ពុជា​វិញ​ក្នុង​អំឡុង​ពេល​នេះ​ដើម្បី​ចូល​រួម​មរណទុក្ខ​ដោយ​ផ្ទាល់​ព្រះ​សព​សម្តេច​ព្រះ​នរោត្តម​ សីហនុ។

លោក​សម រង្ស៊ី ​អតីត​ប្រធាន​គណ​បក្ស​សម ​រង្ស៊ី ​ត្រូវ​តុលាការ​ខ្មែរ​ផ្តន្ទាទោស​ពី​បទ​ដក​តម្រុយ​បង្គោល​ព្រំ​ដែន​ជាមួយ​ប្រទេស​វៀត​ណាម​ហើយ​បាន​និរទេស​ខ្លួន​ទៅ​ក្រៅ​ប្រទេស​ជា​ច្រើន​ឆ្នាំ​មក​ហើយ៕