របាយការណ៍​គ្រោះ​ថ្នាក់​ចរាចរណ៍ទូទាំង​ប្រទេស​​ថ្ងៃ​ទី​១៩​តុលា​ឆ្នាំ២០១២

នៅថ្ងៃទី១៩ តុលា ២០១២ មាន​មនុស្ស​ស្លាប់​៣​នាក់ និង​រង​របួស​២៩​នាក់ ក្នុង​ករណី​គ្រោះ​ថ្នាក់​ចរាចរណ៍​៦​លើក ​កើត​ឡើង​នៅ​ទូ​ទាំង​ប្រទេស​កម្ពុជា។

នា​យក​ដ្ឋាន​សណ្តាប់​ធ្នាប់ នៃ​អគ្គស្នង​ការដ្ឋាន​នគរបាល​ជាតិ​បានឲ្យ​ដឹងថា មាន​មនុស្ស​៣​នាក់ បាន​ស្លាប់ រង​របួស​ធ្ងន់​២៥​នាក់ និង​ស្រាល​៤​នាក់ ក្នុង​គ្រោះថ្នាក់​ចរាចរណ៍​កើត​ឡើង​៦​លើក​ នៅថ្ងៃ​ទី​១៩ តុលា​នេះ។

ប្រភព​ដ​ដែល​បញ្ជាក់​ថា ក្នុងគ្រោះ​ថ្នាក់​ចរា​ចរណ៍​ខាង​លើ បង្ក​ឲ្យ​ខូច​ខាត យាន​យន្ត​សរុប​៩​គ្រឿង ក្នុង​នោះ​ម៉ូតូ​៦​គ្រឿង រថយន្ត​ធុនស្រាល​២​គ្រឿង និង​យាន​ផ្សេង​ៗ​១​គ្រឿង ។ ប្រភព​ដដែល​បន្ត​ថា​មូល​ហេតុ​ដែល​បណ្តាល​ឲ្យមាន​គ្រោះថ្នាក់ ​គឺមក​​ពី​ល្មើស​ល្បឿន​១​លើក មិន​គោរព​សិទ្ធិ​៤​លើក កត្តា​យានយន្ត​១​លើក និង​គ្រោះ​ថ្នាក់​មិន​ពាក់​មួក​សុវត្ថិភាព ៦​នាក់ ។

ចំពោះ​រថយន្ត​ដែល​ទទួល​រង​ការ​ផាក​ពិន័យ​នៅ​អង្គ​ភាព នៅថ្ងៃ​ទី១៩​តុលា​នេះ តាម​ប្រភព​ដដែល​បាន​ឲ្យដឹងថា មាន​រថយន្ត​សរុប​៨៥​គ្រឿង គឺ​រថយន្ត​ទេសចរណ៍​២៤​គ្រឿង រថយន្ត​ដឹក​ទំនិញ​ធុន​តូច​៨​គ្រឿង រថយន្ត​ដឹក​ទំនិញ​ធុន​ធំ​២​គ្រឿង រថយន្ត​ដឹក​អ្នក​ដំណើរ​ធុន​តូច​៨​គ្រឿង រថយន្ត​ដឹក​អ្នក​ដំណើរ​ធុន​ធំ​១​គ្រឿង ។ រថយន្ត​ទាំង​៨៥​គ្រឿងខាងលើ​បានបង់​ប្រាក់​ពិន័យ​រួចរាល់​នៅ​អធិការ​ដ្ឋាន​ នគរបាល​ខណ្ឌ​/ស្រុក​២៣​គ្រឿង នៅ​ស្នងការ​ដ្ឋាននគរបាល​រាជធានី/ខេត្ត​៦២​គ្រឿង ៕