អ្នកកាសែតម្នាក់ និងមន្រ្តីបរិស្ថានក្រសួងម្នាក់ត្រូវបានអធិការស្រុកវ៉ារិនចាប់ខ្លួន កាលពីម៉ោង៩ និង៥០នាទីយប់ថ្ងៃទី០៤ ខែមករាឆ្នាំ២០១៣ នៅចំណុចភូមិវត្ត ឃុំស្រែណូយស្រុកវ៉ារិន ខេត្តសៀមរាប ពាក់ព័ន្ធទៅនឹងបទល្មើសព្រៃឈើ។

បើយោងតាមសម្តីសមត្ថកិច្ចបានអោយដឹងថា សមត្ថកិច្ចចាប់ខ្លួនមនុស្ស២នាក់ ម្នាក់ឈ្មោះ សម តារា ភេទប្រុស អាយុ៤២ឆ្នាំ រស់នៅភូមិឈូគ ឃុំឃុនរាម ស្រុកបន្ទាយស្រី ខេត្តសៀមរាប មានមុខងារជាមន្រ្តីបរិស្ថានក្រសួង។ រីឯម្នាក់ទៀតឈ្មោះ ផលចន្នី ភេទប្រុស អាយុ៥៤ឆ្នាំ រស់នៅភូមិក្រឡាញ់ ឃុំខ្នាសណ្តាយ ស្រុកបន្ទាយស្រី ខេត្តសៀមរាបដូចគ្នា និងដកហូតបានរថយន្តកាមរី ពណ៍ស១គ្រឿង។
លោក ត្រី ណុបសារ៉ាក់ អធិការស្រុកវ៉ារិនបានអោយដឹងថា ដំបូងឡើងលោកបានទទួលបណ្តឹងពីប្រជាពលរដ្ឋអ្នកដឹកឈើយកធ្វើផ្ទះថា មានគេឃាត់គោយន្តកន្ត្រៃរបស់ពួកគាត់ជំរិតទាប្រាក់ ទើបលោកទៅមើលឃើញដូចការរាយការនោះមែន ហើយលោកបានឃាត់ខ្លួនជនទាំង២រូបនេះទៅអធិការដើម្បីសាកសួរ។ លោកអធិការបន្តថា លោកបានរាយការជូនព្រះរាជអាជ្ញាសាលាដំបូងខេត្តសៀមរាប ហើយខាងប៉ូលីសបានកសាងសំណុំរឿង ចោទពីបទកំហែងទាប្រាក់។ លោកអធិការបន្ថែមថា ទាំងមនុស្ស និងរថយន្តបានបញ្ជូនទៅស្នងការខេត្តសៀមរាបនៅរសៀលថ្ងៃទី៥មករាម្សិលមិញនេះ។
បើយោងតាមសម្តីចាងហ្វាងកាសែត ក្រុងសៀមរាប បានប្រាប់តាមទូរស័ព្ទនៅព្រឹកថ្ងៃទី៦នេះថា កូនចៅរបស់លោក (ផលចន្នី) បានបដិសេធថា ពុំបានទាលុយពីឈ្មួញដឹកឈើខាងលើដូចការចោទប្រកាន់នោះទេ។ មូលហេតុដែលពួកគេចុះទៅកាក់គោយន្តកន្រ្តៃខាងលើគឺដើម្បីសួរនាំ រកម្ចាស់ រកច្បាប់ទំលាប់ក្នុងការដឹងជញ្ជួនឈើខាងលើ។ តែមិនទាន់បានសួរនាំចប់ផងស្រាប់តែឃើញប៉ូលីសជិះរថយន្តទៅដល់ចាប់ខ្លួនពួកគេតែម្តង។ លោកចាងហ្វាងនេះបន្តថា ខាងប៉ូលីសបានដាក់ខ្នោះឃុំខ្លួនកូនចៅលោក និងមន្រ្តីបរិស្ថាន មិនអោយអ្នកណាជួបសាកសួរអ្វីទាំងអស់ ដែលទង្វើនេះហាក់ដូចកូនចៅរបស់លោកជាជនក្បត់ជាតិអញ្ចឹង។
លោក សំ រិទ្ធសុខុន ព្រះរាជអាជ្ញារង និងជាតំណាងអេយ្យការ មានប្រសាសន៍តាមទូរស័ព្ទនៅព្រឹកថ្ងៃទី៦នេះថា លោកកំពុងសាកសួរ ពុំទាន់បានចោទប្រកាន់ជនសង្ស័យទាំង២នាក់នេះនៅឡើយទេ។ លោកបន្ថែមថា លទ្ធផលយ៉ាងណាមិនទាន់ដឹងទេ លោកនឹងផ្តល់ព័ត៌មានបន្ថែមនៅពេលក្រោយទៀត។ ចំណែកឯម្ចាស់គោយន្តដឹកឈើ លោកបានអោយខាងប៉ូលីស ហៅម្ចាស់ឈើ យកឈើ និងគោយន្តកន្រ្តៃ ដែលជាមធ្យោបាយដឹកជញ្ជូនមកពិន័យតាមផ្លូវច្បាប់។
ពាក់ព័ន្ធនឹកការចាប់ខ្លួនអ្នកកាសែតនៅក្នុងខេត្តសៀមរាបជាបន្តបន្ទាប់នោះ ត្រូបបានមជ្ឈដ្ឋានទូទៅគេសង្កេតឃើញថា វាហាក់មានភាពអយុត្តិធម៌ ព្រោះគេពុំដែលឃើញសមត្ថកិច្ចចាប់ខ្លួនអ្នករកស៊ីដឹកឈើខុសច្បាប់ទាល់តែសោះ តើនេះវាបណ្តាលមកពីមូលហេតុអ្វីដែរ? តើឈ្មួញដឹកឈើមានភស្តុតាងអ្វីខ្លះដែលដាក់បន្ទុកថា អ្នកកាសែតជំរិតទាប្រាក់? ឬមួយគ្រាន់តែជាការចោទប្រកាន់ដោយអណ្តាតអត់ឆ្អឹងដើម្បីយករួចខ្លួនពីការដឹកឈើខុសច្បាប់តែប៉ុណ្ណោះទេ? តុលាការគួរតែផ្តល់យុត្តិធម៌ដល់ពលរដ្ឋខ្មែរអោយបានស្មើភាពគ្នាផង៕






ក្រុមប្រជាពលរដ្ឋរស់នៅ ឃុំស្រែគរ ស្រុកសេសាន ខេត្តស្ទឹងត្រែង បានសម្ដែងនូវការហួសចិត្ត ស្របពេលដែលសកម្មភាពដឹកជញ្ជូនឈើមកស្តុកក្នុងផ្ទៃអាងកើតមានឡើងជាច្រើនឆ្នាំកន្លងមករហូតដល់ពេលបច្ច...Read more
ក្នុងជំនួបមួយដែលមានការចូលរួមរវាងអ្នកសារព័ត៌មាននៅព្រឹកថ្ងៃទី២៩ មិថុនា នេះ ឯក្រុងខេមរភូមិន្ទ លោក សុខ សុវណ្ណ ប្រធានក្រុមប្រឹក្សាអ្នកសារព័ត៌មានកម្ពុជា បានសម្តែងប្រតិកម្មចំពោះស្ថាប័ន អយ្យ...Read more
សមត្ថកិច្ចនគរបាលស្រុកកោះធំ ចាប់ខ្លួនបុរសវ័យចំណាស់ម្នាក់ តាមពាក្យបណ្តឹងរបស់ឪពុកម្តាយនារីរងគ្រោះ ពាក់ព័ន្ធករណីទិញពេស្យាចារកុមារ តាំងពីអំឡុងខែមេសា ឆ្នាំ២០១៣ រហូតដល់ថ្ងៃទី៨ ខែកញ្...Read more
នៅរសៀលម៉ោង១២និង២៧នាទី ថ្ងៃទី២៧ ខែកក្កដា ឆ្នាំ២០១៣នេះ មានបុរស់ម្នាក់ខលទូរស័ព្ទជេរប្រមាត និងគំរាមកំហែងដល់លោក ផ្លុង-រ៉េត ចាងហ្វាងសារព័ត៌មានកម្ពុជាសុវណ្ណភូមិ នេះបើតាមការអោយដឹងព...Read more
យោងតាមបណ្តាញសង្គម (Face book) បានបង្ហោះតៗគ្នាថា អង្ករដែឡបានផលិតចេញពីប្លាស្ទិក (Plastic Rice) ពេលនេះកំពុងតែចរាចរណ៍នៅទីផ្សាអាស៊ីយើងនេះ ដូចជាមាននៅក្នុងប្រទេស ចិន និងកំពុងបោះជំហានចូលមកកា...Read more
នៅព្រឹកថ្ងៃទី៨ ខែតុលា ឆ្នាំ២០១៥នេះ លោក អ៊ុំសំអានតំណាងរាស្រ្តមណ្ឌលសៀមរាប មកពីគណបក្សសង្គ្រោះជាតិបានបង្ហោះរូបភាពផែនទីដែលោកបានរកឃើញនៅអង្គការសហប្រជាជាតិ (UN) ដែលមានការសរសេររៀប...Read more
គេសង្គេតឃើញថា នៅប្រទេសកម្ពុជានាពេលបច្ចុប្បន្ន ប្រជាពលរដ្ឋភាគច្រើនកំពុងតែពុលវីវគ់ ឈ្លគ់វង្វេងជាមួយគ្រឿងស្រវឹង ដោយរួមបញ្ចូលទាំងយុវវ័យ សិស្សសាលា ទាំងស្រីទាំងប្រុស។ ស្រាបៀរ ស្រាដប ប...Read more
| ថ្ងៃនេះ | 474 | នាក់ |
| ម្សិលមិញ | 1435 | នាក់ |
| សប្ដាហ៍នេះ | 1921 | នាក់ |
| ខែនេះ | 53716 | នាក់ |
| ឆ្នាំនេះ | 270808 | នាក់ |
| សរុប | 57622204 | នាក់ |
| ថ្ងៃទី 26 ខែ 05 ឆ្នាំ 2026 ម៉ោង 06:20 |
Copyright © 2026 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net

