ព្រះរាជពិធិ ដង្ហែព្រះបរមសព ព្រះបរមរតនកោដ្ឋ

ក/ ព្រះរាជពិធីរំកិលព្រះបរមមញ្ជូសា

នៅវេលាម៉ោង៦ និង៣០នាទីជួបជុំព្រះរាជវង្សានុវង្ស នៅមុខព្រះទីនាំង មហាមន្ទីរ​ក្នុងព្រះ​បរម​រាជ​វាំង​។​នៅ​វេ​លា​ម៉ោង៦និង៤០នាទីសម្ដេចអគ្គមហាសេនាបតីតេជោ ហ៊ុន សែន និងលោក ជំទាវកិត្តិ​ព្រឹទ្ធ​បណ្ឌិត​អញ្ជើញ​ដល់។​

នៅវេលាម៉ោង៦និង៤៥នាទីសម្ដេចអគ្គមហាពញាចក្រី ហេង សំរិន ប្រធានរដ្ឋសភា និងលោកជំទាវអញ្ជើញដល់។

នៅវេលាម៉ោង៦ និង៥០នាទី សម្ដេចអគ្គមហាធម្មពោធិសាលជាស៊ីម ប្រធានព្រឹទ្ធសភាអញ្ជើញដល់។

នៅវេលាម៉ោង៦និង៥៥នាទី ព្រះករុណា ព្រះបាទសម្ដេច ព្រះបរមនាថ នរោត្តមសីហមុនី ព្រះមហាក្សត្រនៃព្រះរាជណាចក្រកម្ពុជា និងសម្ដេចព្រះមហាក្សត្រីនរោត្តមមុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្ដីថ្លៃថ្នូរ និងសុភមង្គលស្ដេចយាងដល់។

កម្មវិធីបន្ទាប់ប្រារព្ធព្រះរាជពិធីរំកិល ព្រះបរមសព តាមព្រះរាជប្បវេណីនិងប្រពៃណីសាសនា និងដង្ហែចេញពីក្នុងព្រះបរមរាជវាំង។

ខ/ព្រះរាជពិធីដង្ហែ ព្រះបរមសព

នៅវេលាម៉ោង៨និង៣០នាទី ក្បួនដង្ហែព្រះបរមសពចេញដំណើរ(ក្រុមបារគូថ្វាយស័ង្ខបាញ់កាំភ្លើងធំ១០១ណាត់(បាញ់លើកទី១)។

ព្រះករុណាជាអង្គម្ចាស់ជីវិតលើត្បូង និងសម្ដេចព្រះមហាក្សត្រី ព្រះវររាជមាតាជាតិខ្មែរស្ដេចយាងនិវត្តន៍មកព្រះបរមរាជវាំងវិញ។

នៅម៉ោង១០និង៣០នាទី ឯកអគ្គរាជទូត ឯកអគ្គរដ្ឋទូត( នាយបេសកកម្មទូត) ស្វាមី ឬភរិយា អញ្ជើញដល់ទីលានព្រះមេរុ ចូលតាមទ្វារខាងកើត និងអញ្ជើញទៅកាន់ព្រះពន្លាខាងត្បូង( កងកិត្តិយស និងត្រែទ័ព ជូនវន្ទនកិច្ច)។

នៅវេលាម៉ោង១១ ព្រះករុណាជាអម្ចាស់ជីវិតលើត្បូង និងសម្ដេចព្រះមហាក្សត្រី ព្រះវររាជមាតាជាតិខ្មែរ ស្ដេចយាងគង់ត្រៀមចាំនៅមុខទ្វារជ័យ ព្រះបរមរាជវាំង និងយាងដង្ហែតាមក្រោយព្រះទីនាំងបុស្បុក។

ប្រារព្ធព្រះរាជពិធីរំកិល ព្រះបរមសព ចុះពីព្រះទីនាំងបុស្បុកយាងទៅតម្កល់លើព្រះទីនាំងរំកិល ព្រះបរមសព ក្នុងព្រះមេរុ។ កងកិត្តិយសនិងត្រែទ័ព ថ្វាយព្រះរាជវន្ទនកិច្ច កាំភ្លើងធំបាញ់១០១ណាត់(បាញ់លើកទី២)។

គ/ ព្រះរាជពិធីរំកិលព្រះបរមសព ដើម្បីដង្ហែប្រទក្សិណនិងតម្កល់លើព្រះមហាបញ្ជាក្នុងព្រះមេរុ

អង្គទូត«នាយបេសកកម្មទូត» ភ្ញៀវកិត្តិយស ឥស្សរជនជាន់ខ្ពស់ទាំងអស់ អញ្ជើញចុះមករង់ចាំនៅមុខព្រះពន្លា និងវេទិការៀងៗខ្លួនលើកដៃប្រណមគោរពព្រះបរមសព។

ព្រះករុណាជាអម្ចាស់ជីវិតលើត្បូង និងសម្ដេចព្រះមហាក្សត្រី ព្រះវររាជមាតាជាតិខ្មែរ អមដោយសម្ដេចអគ្គមហាធម្មពោធិសាល សម្ដេចអគ្គមហាពញាចក្រី សម្ដេចអគ្គមហាសេនាបតីតេជោ សម្ដេចចៅហ្វាវាំង ព្រះរាជវង្សានុវង្ស(ដែលមានព្រះបរមរាជានុញ្ញាត) ឧបនាយករដ្ឋមន្ត្រី អនុប្រធានព្រឹទ្ធសភា អនុប្រធានរដ្ឋសភា ប្រធានក្រុមប្រឹក្សាធម្មនុញ្ញ ប្រធានតុលាការកំពូល ស្ដេចយាងនិងអញ្ជើញហែប្រទក្សិណ ៣ជុំព្រះមេរុ ជាឧត្តរាព័ត៌(លោកជំទាវកិត្តិព្រឹទ្ធបណ្ឌិតនិងលោកជំទាវឯទៀត ពុំអញ្ជើញដង្ហែប្រទក្សិណទេ)។ (ក្រុមបារគូថ្វាយស័ង្ខ-ក្រុមភ្លេងពិណពាទ្យ- ក្រុមភ្លើងក្លងធ្នះប្រគំថ្វាយ)។

ព្រះករុណាជាអម្ចាស់ជីវិតលើត្បូង និងសម្ដេចព្រះមហាក្សត្រី ព្រះវររាជមាតាជាតិខ្មែរ ស្ដេចយាងទៅកាន់ព្រះពន្លា។ និមន្តព្រះសង្ឃ៩០អង្គ ស្វាធ្យាយព្រះសត្តប្បករណ៍។

ឃ/ព្រះរាជពិធីថ្វាយបង្គំគោរពព្រះបរមសព (តាមស្នូរគង)

ព្រះករុណាជាអម្ចាស់ជីវិតលើត្បូង និងសម្ដេចព្រះមហាក្សត្រី ព្រះវររាជមាតាជាតិខ្មែរ

សម្ដេចអគ្គមហាធម្មពោធិសាល សម្ដេចអគ្គមហាពញាចក្រី និងលោកជំទាវ សម្ដេចអគ្គមហាសេនាបតីតេជោ និង លោកជំទាវកិត្តិព្រឹទ្ធបណ្ឌិត សម្ដេចចៅហ្វាវាំង និងលោកជំទាវ ព្រះរាជវង្សានុវង្ស និងឧត្តមប្រឹក្សាផ្ទាល់ព្រះមហាក្សត្រ(ដែលមានព្រះបរមរាជានុញ្ញាត)។ ស្ដេចយាងនិងអញ្ជើញចូល និង ចេញតាមជណ្ដើរខាងត្បូងនៃព្រះមេរុ។

ឧបនាយករដ្ឋមន្ត្រី អនុប្រធានព្រឹទ្ធសភា -រដ្ឋសភា(លោកជំទាវពុំអញ្ជើញទេ) ប្រធានតុលាការកំពូល ប្រធានក្រុមប្រឹក្សាធម្មនុញ្ញ។

ឯកអគ្គរាជទូត ឯកអគ្គរដ្ឋទូត«នាយតំណាងបេសកកម្មទូត» ស្វាមី ឬភរិយា។ អញ្ជើញចូល និងចេញតាមជណ្ដើរខាងជើង នៃព្រះមេរុ។

ឯកឧត្តម លោកជំទាវ ភ្ញៀវកិត្តិយសឯទៀត អញ្ជើញចុះទៅឈរនៅមុខវេទិកាគោរព ព្រះបរមសព។

ព្រះករុណាជាអម្ចាស់ជីវិតលើត្បូង និងសម្ដេចព្រះមហាក្សត្រី ព្រះវររាជមាតាជាតិខ្មែរ ស្ដេចយាងនិវត្តវិញ។ (កងកិត្តិយស និងត្រែទ័ព ថ្វាយព្រះរាជវន្ទនកិច្ច)។

អង្គទូ«នាយបេសកកម្មទូត» អញ្ជើញនិវត្តវិញ។ (កងកិត្តិយស និងត្រែទ័ព ជូនវន្ទនកិច្ច)

គ្រឿងទ្រង់ សម្លៀកបំពាក់

-ក្សត្រីៈ ព្រះពស្ត្រចងក្បិន ស ព្រះភូសា ស ព្រះសុភាក់ ស សញ្ញាកាន់ទុក្ខ

ព្រះពស្ត្រ សព្រះភូសាសស័ក្តិ ប៉ានដៃខ្មៅ គ្រឿងឥស្សរិយយសព្យួរ ព្រះសុពណ៌បាទ ព្រះសុពណ៌កោសបាទុកស

ស្ត្រីៈ សំពត់សំឡុយ.ស អាវដៃខ្លី.ស ក្រមាពានា.ស ស្បែកជើង. សញ្ញាកាន់ទុក្ខ ស្បែកជើង ស្រោមជើងខ្មៅ

នាយទាហាន-នរបាលៈ ឯកសណ្ឋានផ្លូវការ សញ្ញាសក្ដិ ប៉ានដៃខ្មៅ គ្រឿងឥស្សរិយយសព្យួរ

អង្គទូតៈ ឯកសណ្ឋានតាមការកំណត់របស់ក្រសួងការបរទេស និងសហប្រតិបត្តិការ

ម៉ោង១៣-១៦:០០-បើកឱកាសជូនប្រជាពលរដ្ឋចូលថ្វាយបង្គំ ព្រះបរមសព។

ម៉ោង១៨:០០- ព្រះរាជពិធីសាសនា។

ម៉ោង១៨:អនុប្រទីបជ្វាលា នៅក្នុងព្រះមេរុ និងបរិវេណជុំវិញ។

ម៉ោង២០:០០-អុជកាំជ្រួច ភ្ញីទៀន