ការសរសេរព័ត៌មានបរិហាបំភ្លើសបំបោងសំលេងគ្មានការពិត គ្មានមូលដ្ឋាន គ្មានភស្តុតាងច្បាស់លាស់ សរសេរដោយលំអៀងទៅភាគីដែលផ្តល់ផលប្រយោជ ឬលំអៀងព្រោះតែសំណូកសូកប៉ាន់ ឬសរសេរដោយគុំនំពីថ្ងៃមុន រវៀងអ្នកសារព័ត៌មាន និងអ្នកសារព័ត៌មានដូចគ្នា កាន់តែរីករាលដាលធំទៅៗ ដោយគ្មានការត្រួតពិនិត្យពិចារណាពីនិពន្ធនាយកនៃស្ថាប័ននីមួយៗ ឬអាចហៅថា ជាចេតនារបស់ថ្នាក់ដឹកនាំទាំងនោះផងដែរក៏អាចថាបានដែរ ដែលទង្វើទាំងនេះនាំអោយគេរិះគន់ដល់ស្ថាប័នឯករាជមួយនេះថា មិនចេះស្រលាញ់គ្នា មិនចេះសហការគ្នាជួយជាតិមាតុភូមិ គឺខាំតែគ្នាឯងដូចសត្វតិរិច្ឆានទៅវិញ។
អ្នកកាសែត៣រូបបានទូរស័ព្ទប្រាប់ កម្ពុជាសុវណ្ណភូមិ កាលពីល្ងាចថ្ងៃទី១០ ខែវិច្ឆកា ឆ្នាំ២០១៣ថា កាលពីវេលាម៉ោង៩និង១២នាទីយប់ ថ្ងៃទី៧ ខែវិឆ្ឆិកាឆ្នាំ២០១៣ នៅផ្លូវលំ១ខ្សែដែលតភ្ជាប់ពីផ្លូវលេខ៦៧ ទៅស្រុកអង្គរជុំឋិតនៅភូមិវត្ត ឃុំស្រែណូយ ស្រុកវ៉ារិន ខេត្តសៀមរាប ពួកគាត់ត្រូវបានរថយន្តម៉ាកលុចស៊ីស៤៧០ ពណ៍ខ្មៅគ្មានស្លាកលេខរយ៉ែបុករថយន្តម៉ាកកាលីឆ្នាំ១៩៨៥ ពណ៍សក្នុងគោលបំណងប៉ុនប៉ងធ្វើមនុស្សឃាតដោយចេតនា ដែលពួកគាត់ជិះគ្នា៣នាក់។ អ្នកកាសែតរងគ្រោះបានបន្តថា មេឈ្មួញរកស៊ីដឹកឈើក្រញូងដែលបើករថយន្តបុកពួកគាត់មានឈ្មោះ អៀ-ឆៃយិន ភេទប្រុស អាយុប្រហែលជាង៣០ឆ្នាំ រស់នៅភូមិចំបក់ហែ ឃុំពួក ស្រុកពួក ខេត្តសៀមរាប។
ក្រុមអ្នកកាសែតខាងលើបានរំលឹកអោយដឹងថា កាលពីឆ្នាំ២០១២ពួកគាត់បានហៅអោយតុលាការខេត្តសៀមរាបចាប់រថយន្តដឹកឈើរបស់ អៀ-ឆៃយិន អស់៣គ្រឿងស្ថិតក្នុងស្រុកពួក ដែលសរុបជាទឹកប្រាក់លោកយិនខាតបង់អស់ប្រហែល១២ម៉ឺនដុល្លារអាមេរីកកាំង និងកាលពីថ្ងៃទី១០ ខែតុលា ឆ្នាំ២០១៣ថ្មីៗនេះ ពួកគាត់បានរាយការណ៍ជូនលោកអធិការស្រុកវ៉ារិនអោយចាប់រថយន្តម៉ាកបាឡែនពណ៍ស្កដែលដឹកឈើក្រញូងពេញរបស់លោក យិន អស់១គ្រឿងទៀតដែលអស់ទឹកប្រាក់ប្រហែលជាង២ម៉ឺនដុល្លារអាមេរីក ដែលជាហេតុបណ្តាលអោយលោកយិនមានការក្តៅក្រហាយ មានគុំនំគុំគួនរហូតឈានដល់បើករថយន្តបុកជាច្រើនដងមកលើរថយន្តរបស់ពួកគាត់ ក្នុងគោលបំណងប៉ុនប៉ងធ្វើមនុស្សឃាតដោយចេតនា។
អ្នកកាសែតខាងលើបានចោទថា មានស្ថាប័នសារព័ត៌មាន៣ដែលចុះផ្សាយបំភ្លើសមួលបង្កាច់គ្មានការពិតទៅលើពួកគាត់។ អ្នកកាសែត៣រូបខាងលើសំនូមពរអោយស្ថាប័នទាំ៣ខាងក្រោមនេះចុះផ្សាយបកស្រាយអោយពួកគាត់វិញក្នុងរយៈពេល១សប្តាហ៍គិចចាប់ពីថ្ងៃដែលបានចុះផ្សាយបរិហាទៅលើពួកគាត៖ ទី១-គេហទំព័រ និងកាសែតនគរវត្ត http://www.nokorwatnews.com/detailnews.php?newsid=34906&mnu=2&cid=4#sthash.cghsUt6I.dpbs ដែលចុះផ្សាយកាលពីថ្ងៃទី08 វិច្ឆកា 2013 ម៉ោង 16:57:56ដោយ ៖ ឡាំ សុធា ទី២-គេហទំព័រ រស្មីកម្ពុជា http://www.cen.com.kh/localnews/details_more/22?token=NDYxMmU4Nz ចុះផ្សាយថ្ងៃទី 8 វិច្ឆិកា 2013, ម៉ោង 03:10:PM ដោយ បាយ័ន និងទី៣-គេហទំព័រ កម្ពុជាថ្មី (http://kpt-news.com/index.php?option=com_content&view=article&id=36647:2013-11-09-07-29-34&catid=1:latest&Itemid=65) ចុះផ្សាយថ្ងៃទី៨ ខែវិច្ឆកា ឆ្នាំ២០១៣។
អ្នកកាសែត៣រូបសូមអោយស្ថាប័នសារព័ត៌មាន៣ខាងលើចុះបកស្រាយចំនុចមួយចំនួនដូចជា៖ ទី១-រថយន្តពួកគាត់ចតនៅស្ងៀមមួយកន្លែងមិនបានបើកដេញរថយន្តដឹកឈើអស់ជាច្រើនម៉ោងនោះទេ។ ទី២-ពួកគាត់មិនបានចចារជាមួយឈ្មួញដឹកឈើទាប្រាក់៥រយដុល្លាររហូតដល់២រយដុល្លារនោះទេ។ទី៣-លោកស៊ីញ-សំឡី មិនធ្លាប់បានតុលាការចាប់ដាក់គុគពីបទទៅប្លន់ស្រូវប្រជាពលរដ្ឋ និងចាក់សោរបង្ឃាំមនុស្សនៅស្រុកជីក្រែងដូចការចោទប្រកាន់នោះដែរ។ អ្នកកាសែតទាំងបីរូបខាងលើអង្វយ៉ាងទទួចសុំអោយអគ្គ អគ្គនាយករង និពន្ធនាយក និពន្ធនាយករង ទទួលបន្ទុកផ្សព្វផ្សាយព័ត៌មានមេត្តាជួយចុះផ្សាយបកស្រាយបំភ្លឺ៣ចំនុចខាងលើតាមច្បាប់សារព័ត៌មានក្នុងរយៈពេល១សប្តាហ៍ បើមិនដូចឆ្នោះទេ ពួកគាត់និងដាក់ពាក្យបណ្តឹងពីអ្នកសរសេរព័ត៌មាន៣រូបខាងលើដែលសរសេរបំភ្លើសការពិត ទៅតុលាការខេត្តសៀមរាបពីបទបរិហាគេរ្តិ៍ ដើម្បីទាមទារកយុត្តិធម៌ទៅតាមផ្លូវច្បាប់ដោយខានមិនបាន។
អ្នកកាសែតរងគ្រោះ៣រូបដែលត្រូវឈ្មួញរកស៊ីដឹកឈើក្រញូងឈ្មោះ អៀ-ឆៃយិន បើករថយន្តបំបុកជាច្រើនដងប៉ងធ្វើមនុស្សឃាត បានអះអាងថា លោក យិន តែងតែព្យាយាមរកអ្នកមកចចារអោយពួកគាត់យកលុយជាថ្នូរនិងការដឹកឈើខុសច្បាប់រប់គាត់ តែពួកគាត់មិនព្រមទទួលយកលុយដ៏ស្អុយរលួយទាំងនោះ ទើបលោកយិនបើករថយន្តបុកពួកគាត់យ៉ាងដូច្នេះ។
អ្នកកាសែតរូបនេះបានអោយដឹងទៀតថា ពួកគាត់បានដាក់ពាក្យបណ្តឹ ពីបទប៉ុប៉ងមនុស្សឃាតដោយចេតនា ទៅអធិការស្រុកវ៉ារិន និងទៅលុលាការខេត្តសៀមរាប ដើម្បីស្វែងរកយុត្តិធម៌ទៅតាមផ្លូវច្បាប់ និងសុំអោយតុលាការ ចាប់ខ្លួនជនឧក្រិដ្ឋកម្មព្រៃឈើ និងប៉ុនប៉ងធ្វើមនុស្សឃាតរូបនេះមកផ្ទន្ទាទោសទៅតាមផ្លូវច្បាប់ ដើម្បីជាសវាងការសើចយំពីមជ្ឈដ្ឋានមហាជនទូទៅ។
ពលរដ្ឋអ្នកស្រលាញ់ព្រៃឈើនៅទិសឧត្តរនៃប្រទេសកម្ពុជាបានគាំទ្រក្រុមអ្នកសារព័ត៌មានដែលបានចូលរួមទប់ស្កាត់បទល្មើសព្រៃឈើ ហើយបានរិះគន់សមត្ថកិច្ចនិងមន្រ្តីជំនាញថាមិនដែលឃើញចាប់បានឡានដឹកឈើសោះ។ ពួកគាត់បានបន្ថែមថា គួរណាស់តែរដ្ឋាភិបាលថ្មីផ្តល់រង្វាន់ដល់អ្នកកាសែតទាំងនេះ ដែលពួកគាត់បានខិតខំជួយជាតិមាតុភូមិដោយចំណាយថវិការផ្ទាល់ខ្លួន មិនដូចមន្រ្តីរបស់រដ្ឋស៊ីប្រាក់ខែអត់ប្រយោជ៕ ដោយ៖ផ្លុង-រ៉េត
.jpg)
.jpg)
.jpg)
.png)
.jpg)
.jpg)
