ជារៀងរាល់ថ្ងៃគេសង្កេតឃើញថា ក្រុមឈ្មួញរកស៊ីដឹកឈើខុសច្បាប់តាមរថយន្តគ្រប់ប្រភេទ គោយន្តកន្រ្តៃ និងរទេះគោ បានចរាចរណ៍យ៉ាងអាណាធិប្បតេយ្យតាមដងផ្លូវពីចំណុចស្រុកគូលែនខេត្តព្រះវិហារឆ្លងកាត់ស្រុកស្រយ៉ង់ និងស្រុកស្វាយលើសំដៅមកខេត្តសៀមរាប ដូចគេហែកឋិនទានទាំងថ្ងៃទាំងយប់ តែពុំមានមន្រ្តីជំនាញណាចេញមុខបង្ក្រាបទៅតាមផ្លូវច្បាប់នោះទេ តែបែជាត្រូវបានអ្នករកស៊ីប្រាប់ថា ពួកគេបានបង់លុយក្រោមតុអោយក្រុមមន្រ្តីជំនាញតាមដងផ្លូវអស់ហើយ ទើបអាចដឹកឈើឆ្លងកាត់បានយ៉ាងរលូនដូច្នេះ។
តាមប្រភពព័ត៌មានច្បាស់ការបានអោយដឹងថា ជារៀងរាល់ថ្ងៃមានរថយន្តសាន់យ៉ុងប្រហែល១០គ្រឿង រថយន្តកាមរីប្រហែល៥គ្រឿង រថយន្តធួរីសប្រហែល៣គ្រឿង គោយន្តកន្រ្តៃប្រហែល២០គ្រឿង និងរទេះគោរាប់សិបរទេះបានដឹកឈើខុសច្បាប់ឆ្លងកាត់ស្រុកស្រយ៉ង់ និងស្រុកស្វាយលើ ស្ថិតក្នុងខេត្តសៀមរាប ដោយឆ្លងកាត់សង្កាត់រដ្ឋបាលព្រៃឈើស្រុកស្វាយលើ ដែលត្រូវបានគេស្គាត់ថា នាយសង្កាត់ឈ្មោះ យ៉ាន់ស៊ីវ័ត ដែលជាអ្នកគ្រប់គ្រងនៅទីនោះ បានបើកភ្លើងខៀវអោយឈ្មួញដឹកជញ្ជួនឈើឆ្លងកាត់ដោយរលូនមិនមានការបង្រ្កាបនោះទេ ដែលទង្វើអសកម្មទាំងនេះធ្វើអោយមហាជនសង្ស័យថា លោកយ៉ានស៊ីវ័ត កំពុងតែប្រព្រឹត្តអំពើពុករលួយដែលផ្ទុយពីច្បាប់បានកំណត់ និងផ្ទុយពីទួនាទីរបស់ខ្លួនដែលជាមន្រ្តីជំនាញរបស់ស្ថាប័ណរដ្ឋ។
ឆ្លៀតពេលថ្នាក់ដឹកនាំកំពូលកំពុងមមាញឹកក្នុងការដឹកនាំប្រទេសជាតិ ឯមន្ត្រីលេមលើមក្រោមឱវាតក៏កំពុងតែមមាញឹកក្នុងការឃុបឃិតជាមួយក្រុមឈ្មួញទុច្ចរិតរកស៊ីដឹកឈើបំ ផ្លាញជាតិ ដើម្បីប្រមូលផលប្រយោជដាក់ហោប៉ៅផ្ទាល់ខ្លួន ដែលជាកត្តានាំមកនូវគ្រោះមហន្តរាយដល់សង្គមជាតិ នាំការលិចលង់ និងហិនហោចព្រៃឈើអស់ពីកម្ពុជា តែមិនមានថវិការចូលរដ្ឋដើម្បីកសាងប្រទេសជាតិអោយរីកចំរើននោះទេ។
ក្រុមប្រជាពលរដ្ឋបានរិះគន់ថា នេះ មិនអាចបន្ទោសទៅលើមន្រ្តីជំនាញដែលនៅប្រចាំការតាមដងផ្លូវទាំងស្រុងបានទេ ព្រោះពាក្យស្លោកមួយបានពោលថា ”មាន់វាពងនៅស្រែណា វាច្បាស់ជាស៊ីស្រូវនោះជាមិនខាន“ តែអ្វីដែលគួរបន្ទោសនោះគឺលោក ទា-គឹមសុទ្ធ នាយខណ្ឌរដ្ឋបាលព្រៃឈើខេត្តសៀមរាប ដែលជាថ្នាក់ដឹកនាំរបស់លោក យ៉ាន់ស៊ីវ័ត គួរតែនែនាំកួនចៅក្រោមឱវាតអោយគោរពទួនាទីអោយបានត្រឹមត្រូវ មិនគួរមានការធូរលុង ឬគេហៅថា ហៃអើៗ ដូចអាជ័យធ្លាក់ទឹកនោះទេ។ ពលរដ្ឋបន្តថា លោកទាគឹមសុទ្ធ ហាក់បើកភ្នែកម្ខាងបិទភ្នែកម្ខាង ទុកឱកាសអោយក្រុមមន្ត្រីលេមលើមក្រោមឱវាតឆ្លៀតឱកាសប្រមូលលុយពីក្រុមអ្នករកស៊ីដឹកឈើខុសច្បាប់ទៅវិញ។
ពលរដ្ឋខេត្តសៀមរាបបានធ្វើការអង្វយ៉ាងទទួចទៅលោក ទាគឹមសុទ្ធ នាយខណ្ឌរដ្ឋបាលព្រៃឈើខេត្ត និងលោក ឃឹមប៊ុនសុង អភិបាលខេត្តមេត្តាធ្វើការត្រួតពិនិត្យសាឡើងវិញនូវទង្វើអសកម្មរបស់លោក យ៉ាន់ស៊ីវ័ត នាយសង្កាត់រដ្ឋបាលព្រៃឈើស្រុកស្វាយលើ ដែលកំពុងតែបើដៃអោយក្រុមឈ្មួញសំរុកដឹកឈើខុសច្បាប់តាមដងផ្លូវខាងលើយ៉ាងអាណាធិប្បតេយ្យដោយគ្មានការទប់ស្កាត់ទាល់តែសោះ។
អ្នកយកព័ត៌មានយើងពុំអាចសុំការបំភ្លឺពីលោក យ៉ាន់ស៊ីវ័ត បានទេនៅព្រឹកថ្ងៃដដែលនេះ ព្រោះទូរស័ព្ទមិនចូល៕ ដោយ៖ ផ្លុង-រ៉េត






សហភាពអឺរ៉ុប (EU) បានព្រមានជាបន្តទៀត សម្រាប់បន្លែរបស់វៀតណាមដែលនាំចូលទៅក្នុងតំបន់របស់ខ្លួនដោយសារតែ EU រកឃើញថាមានបាក់តេរីដែលបង្កគ្រោះថ្នាក់ដល់សុខភាពអ្នកប្រើប្រាស់នៅក្នុងបន្លែទាំ...Read more
បន្ទាប់ពីធ្វើការស្រាវជ្រាវអស់រយៈពេលជាច្រើនថ្ងៃក្នុងករណីគ្រួសារប៉ូលីសប៉ុស្តិ៍ពុលទាំងគ្រួសារកាលពីថ្ងៃទី២៤ ខែឧសភា ឆ្នាំ២០១៥ ក្រុងសមត្ថកិច្ច ជំនាញបានឲ្យដឹងថា នាយរងប៉ុស្ដិ៍នគរបាល សង្កាត...Read more
ក្លឹបក្លាស៊ិក ហ៊ីប ហប (Classic Hip Hop) ដែលមានទីតាំងនៅទល់មុខនឹងវត្តដំណាក់ ក្រុងសៀមរាប កំពុងចាក់ភ្លេងបង្កសំឡេងខ្លាំង ដើម្បីមុខរបររកស៊ីជារៀងរាល់យប់។ ការចាក់សំឡេងឮខ្លាំង ដោយប្...Read more
យោងតាមសេចក្តីរាយការណ៍បានអោយដឹងថា ចំការកញ្ឆាដ៏ធំ ដែលត្រូវបានគេដឹងថាមានមនុស្សលួចដាំ ដើម្បីលក់ចែកចាយ ដែលមានទីតាំងស្ថិតនៅក្នុងភូមិនិម្មិត១ សង្កាត់និម្មិត ក្រុងប៉ោយប៉ែត ខេត្ត...Read more
ក្រុមប៉ូលីសរបស់រដ្ឋាភិបាលដែលដឹកនាំដោយលោក ជួនសុវណ្ណ ស្នងការរាជធានី ភ្នំពេញ បានប្រើគ្រាប់បែកផ្សែង ឡានបាញ់ទឹក និងប្រើអំពើហឹង្សា ក្នុងការបង្ក្រាបហ្វូងបាតុករ កាលពីថ្ងៃទី...Read more
លោក ប៉ាតសុខ ភេទប្រុស អាយុ៤៤ឆ្នាំ រស់នៅភូមិវាល សង្កាត់ជ្រាវ ក្រុងសៀមរាប ខេត្តសៀមរាប ត្រូវបានលោក សំរិទ្ធ សុខុន ព្រះរាជអាជ្ញារងអមសាលាដំបូងខេត្តសៀមរាប ចេញដីការកោះហៅអោយចូលបំភ្លឺនៅថ្ងៃទី១៩ ខ...Read more
សូមមើល រូបភាព និងវីដេអូ សកម្មភាពគណបក្សសង្គ្រោះជាតិដង្ហែក្បួនបាតុកម្មអហឹង្សា ថ្ងៃទី១៥នៅរាជធានីភ្នំពេញ។
...Read more
Post by សារព័ត៌មាន កម្ពុជាសុវណ្ណភូមិ | Kampuchea Sovanphum News....Read more
កងរាជអាវុធហត្ថក្រុង និងខេត្តបានចុះប្រតិបត្តិការបង្ក្រាបក្រុមចោរលួចម៉ូតូនៅចំណុចភូមិបឹង សង្កាត់ជ្រាវ ក្រុមសៀមរាបកាលពីវេលាម៉ោងប្រប្រែល៦និង៣០នាទីព្រឹកថ្ងៃទី២៥ ខែមករា ឆ្...Read more
| ថ្ងៃនេះ | 74 | នាក់ |
| ម្សិលមិញ | 1435 | នាក់ |
| សប្ដាហ៍នេះ | 1521 | នាក់ |
| ខែនេះ | 53316 | នាក់ |
| ឆ្នាំនេះ | 270408 | នាក់ |
| សរុប | 57621804 | នាក់ |
| ថ្ងៃទី 26 ខែ 05 ឆ្នាំ 2026 ម៉ោង 01:10 |
Copyright © 2026 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net

