ក្រុមឈ្មួញកំពុងធ្វើសកម្មភាពសម្រុកដឹកជញ្ជូនឈើយ៉ាងអាណាធិបតេយ្យទៅលក់នៅប្រទេសវៀណាម តាមច្រករបៀងព្រំដែនស្រុកអណ្តូងមាស ហើយការធ្វើអាជីវកម្មដោយពុំស្របច្បាប់នោះមានរយៈពេលច្រើនខែកន្លងទៅហើយ តែសមត្ថកិច្ចនៅក្នុងតំបន់នោះមិនបានទប់ស្កាត់នោះទេ ដែលជាហេតុនាំអោយគេសង្ស័យថា ក្រុមឈ្មួញរកស៊ីខុសច្បាប់ និងសមត្ថកិច្ចប្រហែលជាត្រូវរូវគ្នា។
កាលពីថ្ងៃទី០៥ ខែឧសភា ឆ្នាំ២០១៥ ប៉ូលិសប្រឆាំងបទល្មើសសេដ្ឋកិច្ចខេត្ត បានចុះទៅបង្ក្រាបបានរថយន្តកែច្នៃមួយគ្រឿងដែលផ្ទុកឈើប្រណិតពេញរថយន្តរួចប្រគល់អោយទៅមេព្រៃខេត្តដើម្បីចាត់វិធាការបន្តទៅតាមច្បាប់។
តាមប្រភពបានអោយដឹងថា បច្ចុប្បន្នក្រុមឈ្មួញបានសម្រុកដឹកជញ្ជូនឈើដែលមិនស្របច្បាប់នេះយ៉ាងគគ្រឹគគ្រេងតាមប្រភេទរថយន្តស៊េរីទំនើបនិងរថយន្តកែច្នៃដើម្បីយកទៅលក់អោយវៀតណាមតាមច្រករបៀងភូមិចង ឃុំញ៉ាង ស្រុកអណ្តូងមាស ខេត្តរតនគិរី យ៉ាងអាណាធិបតេយ្យ រហូតមកដល់ពេលនេះសមត្ថកិច្ចពាក់ព័ន្ធធ្វើប្រងើយមិនមានវិធានការទប់ស្កាត់បង្ក្រាបឡើយ។
ប្រភពបន្តបានឲ្យដឹងថា ការបង្ក្រាបបទល្មើសឈើប្រណិតសមត្ថកិច្ចនៅទីនោះហាក់បីដូចមិនឃើញ ឫក៏ធ្វើមិនដឹងសង្ស័យពួកគេកំពុងតែងងឹតភ្នែកដោយសារតែកញ្ចប់លួងចិត្តពីឈ្មួញទាំងអស់នោះហើយ ទើបមើលអ្វីមិនឃើញបែបនេះ។ ពួកក្រុមឈ្មួញរកស៊ីជំនួញឈើប្រណិតខុសច្បាប់ទាំងអស់នោះកាន់តែបានដៃ ហើយបន្តធ្វើសកម្មភាពខ្លាំងខ្លាថែមទៀត ដោយបានដឹកឈើពីតំបន់ផ្សេងៗយកទៅលក់អោយវៀតណាមធ្វើអាជីវកម្មនៅប្រទេសគេ។ កាលពីវេលាម៉ោងជាង៩យប់ថ្ងៃទី០៥ ខែឧសភា ឆ្នាំ២០១៥នេះខណៈដែលពួកឈ្មួញកំពុងធ្វើការដឹកជញ្ជូនឈើប្រណិតលេខ១ទៅកាន់តាមច្រករបៀងខាងលើ។
ពេលនោះកម្លាំងប៉ូលិសប្រឆាំងបទល្មើសសេដ្ឋកិច្ចខេត្តដែលមានចំនួន៤នាក់បានចុះទៅបង្ក្រាបហើយឃាត់បានរថយន្តកែច្នៃមួយគ្រឿងដែលកំពុងចរាចរណ៍ដឹកឈើផ្ទុកពេញរថយន្តនោះរួចបញ្ជូនមកស្នងការដើម្បីកសាងសំណុំរឿងតាមនិតិវិធីច្បាប់។
លោក នូវ ដារ៉ា នាយការិយាល័យប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តរតនគិរី បានអោយដឹងថា រថយន្តដឹកឈើនោះគឺឈ្មួញបំរុងដឹកយកទៅលាក់ទុកដើម្បីបន្តដឹកជញ្ជូនយកទៅលក់ឲ្យវៀតណាមតាមច្រករបៀងភូមិចង ឃុំញ៉ាង ប៉ុន្តែដឹកទៅដល់ចំណុចភូមិពែង ឃុំញ៉ាង ស្រុកអណ្តូងមាសកម្លាំងយើងបានចុះទៅបង្ក្រាបបានតែរថយន្តកែច្នៃនិងឈើប្រណិតពេញរថយន្តតែតៃកុងរថយន្តបានរត់គេចខ្លួនបាត់។ នាយការិយាល័យប្រឆាំងបទល្មើសសេដ្ឋកិច្ចខេត្តបានបន្តថា ឈើទាំងអស់នោះរួមមានជិត៣០កំណាត់ មានមុខកាត់ចាប់ពី៤តឹកចុះ មានប្រវែងជាង៣ម៉ែត្រ។ ក្រោយពីធ្វើកំណត់ហេតុរួចឈើនឹងរថយន្តដែលជាភស្តុតាងល្មើសនោះបានប្រគល់ឲ្យទៅខណ្ឌរដ្ឋបាលព្រៃឈើខេត្តបន្តដើម្បីចាត់វិធានការតាមច្បាប់ព្រៃឈើផងដែរ៕ ដោយ៖ឡុង សៅ






អាជ្ញាធរក្រុង ហែរហមអមដោយសមត្ថកិច្ចចំរុះ និងដឹកនាំដោយលោក សោម សម្បត្តិ អភិបាលរងក្រុងទទួលបន្ទុកផ្នែកសណ្តាប់ធ្នាប់ និងចូលរួមដោយកញ្ញា ទីវ គឹមកល្យាណ ព្រះរាជអាជ្ញារងសាលាដំបូងខេត្ត...Read more
ជារៀងរាល់ថ្ងៃគេសង្កេតឃើញថា ក្រុមឈ្មួញរកស៊ីដឹកឈើខុសច្បាប់តាមរថយន្តគ្រប់ប្រភេទ គោយន្តកន្រ្តៃ និងរទេះគោ បានចរាចរណ៍យ៉ាងអាណាធិប្បតេយ្យតាមដងផ្លូវពីចំណុចស្រុកគូលែនខេត្...Read more
លោក ម៉ៃ ទិត្យថារ៉ា ជាអ្នកកាសែតពីរភាសា (ភាសាខ្មែរ និងភាសាអង់គ្លេស) ធ្វើការនៅសារព័ត៌មានភ្នំពេញប៉ុស្តិ៍ បានបង្កើតសាលាបង្រៀនភាសាអង់គ្លេស និងកុំព្យូទ័រ មិនយកប្រាក់មួយ នៅស្រុកកំណើត រប...Read more
បនល្បែងស៊ីសងបានក្លាយជាសត្រូវរបស់ប្រជាពលរដ្ឋនិងបំពានទៅនឹងគោលនយោបាយភូមិ-សង្កាត់ មានសុវត្ថិភាពហើយក៏ត្រូវមានវិធានករលុបបំបាត់ជាបន្ទាន់ផងដែរប្រយោជន៍ ដើម្បីការពារសន្ដិសុខ សណ្ដាប...Read more
ប្រទេសជាតិជាច្រើននៅលើពិភពលោកយើងនេះ គឺរមែងតែងតែមានមេដឹកនាំ និងប្រជានុរាស្រ្តតិច ឬច្រើនអាស្រ័យទៅលើប្រទេសនោះតូចឬធំតែប៉ុណ្ណោះ ប្រទេសខ្លះគ្មានស្តេច តែមានប្រធានាធិបតី ឯប្រទេសខ្ល...Read more
ជាយូរណាស់មកហើយដែលឈ្មួញឈើក្រញូងដ៏ល្បីល្បាញម្នាក់ឈ្មោះ តឿ បានធ្វើសកម្មភាពដឹកជញ្ជូនឈើក្រញូងចេញពីស្រុកអន្លង់វែង ឆ្លងកាត់ខេត្តសៀមរាបយកទៅលក់នៅព្រំដែនប្រទេសវៀតណាមយ៉ាងសកម្មបំផ...Read more
បើទោះជារដ្ឋាភិបាលកម្ពុជា និងក្រសួងសុខាភិបាលបានប្រកាសអោយក្រុមគ្រូពេទ្យនៅតាមមន្ទីរពេទ្យនានាមិនអោយប្រព្រឹត្តិអំពើពុករលួយក្តែងៗយ៉ាងណាក៏ដោយ ក៏ទង្វើរបស់ក្រុមគ្រូពេទ្យ...Read more
ក្រុមគ្រួសារនាយរងប៉ុស្តិ៍សង្កាត់សៀមរាប ប្រាំនាក់ពុលទាំងអស់នៅយប់ថ្ងៃទី២៤ ខែឧសភា ឆ្នាំ២០១៥ បន្ទាប់ពីបញ្ជូនទៅព្យាបាលនៅមន្ទីរពេទ្យឯកជន ប្តីបានស្លាប់បាត់បង់ជីវិត ឯកូនបីនាក់ និង...Read more
សេចក្ដីរាយការណ៏បានឲ្យដឹងថាកាលពីថ្មីៗនេះអគ្គស្នងការដ្ឋាននគរបាលជាតិ បានចេញសេចក្ដីប្រកាសជាសាធារណៈដល់ម្ចាស់កាស៊ីណូនានាដែលបានបើកឲ្យពលរដ្ឋខ្មែរចូលទៅលេងល្បែងស៊ីសងនៅក្នុងកាស៊ីណូរបស់ខ្លួន ម្ចាស់កាស៊ីណ...Read more
សកម្មភាពរថយន្តពណ៍ត្រេអ៊ីពាក់ស្លាកលេខខេមរភូមិន្ទ ដឹកឈើខុសច្បាប់ពីស្រុកវ៉ារិនមកក្រុងសៀមរាបរាប់សិបគ្រឿងនៅពេលយប់ តែមិនមានមន្រ្តីជំនាញ ឬក្រុមសមត្ថកិច្ចណាធ្វើដឹងធ្វើលឺ...Read more
| ថ្ងៃនេះ | 74 | នាក់ |
| ម្សិលមិញ | 1435 | នាក់ |
| សប្ដាហ៍នេះ | 1521 | នាក់ |
| ខែនេះ | 53316 | នាក់ |
| ឆ្នាំនេះ | 270408 | នាក់ |
| សរុប | 57621804 | នាក់ |
| ថ្ងៃទី 26 ខែ 05 ឆ្នាំ 2026 ម៉ោង 01:08 |
Copyright © 2026 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net

