លោក នួន ពុធ្ធារ៉ា អភិបាលក្រុងសៀមរាប មិនយកចិត្តទុកដាក់រឿងបរិស្ថាន

ពលរដ្ឋរិះគន់ថា អភិបាលក្រុងសៀមរាបថ្មី លោក នួន ពុធ្ធារ៉ា ហាក់ប្រងើយកន្តើយ មិនយកចិត្តទុកដាក់ រឿងផ្សារដើមអំពិល ក្នុងភូមិមណ្ឌល៣ សង្កាត់ស្លក្រាម បង្ហូរទឹកស្អុយចូលស្ទឹង សៀមរាប បណ្តាលអោយទឹកស្ទឹងខ្មៅស្អុយដូចគម្រង់។

ពលរដ្ឋបន្តរិះគន់ថា អភិបាលក្រុងរូបនេះឡើងដំបូងអួតអាងស្តាប់ទៅដូចអស្ចារ្យ តែមិនបានប៉ុន្មានថ្ងៃផង ដូចជាស្ងប់ស្ងាត់ទៅវិញ។ ពលរដ្ឋសុំអោយលោក នួន ពុធ្ធារ៉ា មេត្តា ជួយដោះស្រាយរឿងបង្ហូរទឹកស្អុយដាក់ស្ទឹងខាងលើនេះផង។

កម្ពុជាសុវណ្ណភូមិមិនអាចសការបកស្រាយ ពីលោកអភិបាលក្រុងរូបនេះបានទេ ព្រោះមិនមានលេខទូរស័ព្ទសម្រាប់ទំនាក់ទំនង។ ដោយ: ផ្លុងរ៉េត