លោកជំទាវបណ្ឌិតឧកញ៉ាលី អ៊ុំអេង លោកជំទាវ ជា ម៉ន និងលោកជំទាវ អ៊ុយសុភា បានអញ្ជើញជួបសំណេះសំណាល ស៊ួរសុខទុក្ខ និងនាំយកអំណោយមនុស្សធម៌ជូនសិស្សសាលាអនុវិទ្យាល័យនិង បឋមសិក្សាត្រកៀក

នៅព្រឹកថ្ងៃទី០៤ ខែឧសភា ឆ្នាំ២០១៩ ជំទាវបណ្ឌិតឧកញ៉ាលី អ៊ំអេង លោកជំទាវ ជា ម៉ន និង​លោកជំទាវ អ៊ុយសុភា បាន​អញ្ជើញជួបសំណេះសំណាល ស៊ួរសុខទុក្ខ និង​នាំយក​អំ​ណោយ​មនុស្ស​ធម៌ជូនសិស្សសាលាអនុវិទ្យាល័យនិង បឋមសិក្សាត្រកៀកដែល​មានសិស្ស​ចំនួន​៦៥០​នាក់​ព្រម​ទាំង​លោកគ្រូរអ្នកគ្រូរលោកនាយក និងមេភូមិមេឃុំប្រជាការពារ លោក​យាយ​លោក​តា​សហគមន៍ និង​មានការចូលរួមផ្តល់កិត្តិយសដោយ​លោក ទេព ពុំសែន អធិការ​ស្រុក​ពួក​និង​ព្រះ​សង្ឃ​១៧​អង្គ បាននិមន្តចូលរួមក្នុងកម្មវិធីមនុស្សធម៌ផងដែរ។

មាន​ប្រសាសន៍ក្នុងឱកាស់នោះ លោកជំទាវបណ្ឌិតឧកញ៉ាលី អ៊ុំអេង​បាន​ពាំនាំ​នូវ​ការ​ផ្តាំ​ផ្ញើសួរ​សុខ​ទុក្ខពីសម្តេចកិត្តិព្រឹទ្ធបណ្ឌិតប៊ុន រ៉ានីហ៊ុន សែន ប្រធានកាកបាទក្រហមកម្ពុជា ដែល​តែងតែយកចិត្តទុក្ខដាក់ គិត​គូរ​ចំ​ពោះ​សុខ​ទុក្ខ​ក្មួយៗ​សិស្សា​នុសិស្ស​លោក​គ្រូ​អ្នក​គ្រូ​លោក​យាយ​លោក​តាពុកម៉ែបងប្អូនមិនប្រកាន់វណ្ណះពណ៍សប្បុរ ជំនឿសាសនា ឬនិន្នា​ការ​នយោ​បាយ​ណា​មួយ​ឡើយ។ លោក​ជំទាវ​បណ្តិត​បន្ត​ថា​ថ្វីត្បិត​អំ​ណោ​យ​មនុស្ស​ធម៌​ដែល​បាន​នាំ​យក​មក​ចែក​ជូន​បង​ប្អូន​នា​ពេល​នេះ​មាន​ចំនួន​តិច​តួច​ក្តី​ក៍​ជា​ការ​បង្ហាញ​នូវ​ការ​យក​ចិត្ត​ទុក្ខ​ដាក់​ចំពោះ​ប្រ​ជា​ពល​រដ្ឋ​គ្រប់​រូបពីសំណាក់ថ្នាក់ដឹកនាំពិសេសគឺកាកបាទក្រហមកម្ពុជា។

អំណោយមនុស្សធម៌ដែលបានផ្តល់ជូនសិស្សចំនួន៦៥០នាក់ក្នុងម្នាក់ៗទទួលបានសៀវភៅប៊ិចនិងថវិការ២០០០៛ លោកគ្រូរអ្នក់គ្រូរ២៧នាក់ម្នាក់ៗទទួលបាន៣០០០០៛ មេភូមិ៥០ម៉ឺនរៀល មេឃុំ៥០ម៉ឺនរៀលកងកម្លាំង៥០ម៉ឺនរៀល និងប្រ​ជាការ​ពារ​សហគមន៍​ទទួល​បាន​៥០​ម៉ឺន​រៀល​ស្មើ​គ្នា​ ព្រះសង្ឃ១៧អង្គក្នុងមួយអង្គ បច្ច័យ៥ម៉ឺរៀល ពិសេស​និង​ជួយ​ផ្លូវ​ចាក់​បេតុង​ចូល​សា​លា​ត្រ​កៀល​អស់​ចំនួន៣២៥០ដុល្លារ និង​ជួយខ្លោង​ទ្វារសាលា​ត្រគៀត១អស់ថវិការចំនួន៨០០ដុល្លារ។

ក្នុង​ឱកាស​នេះ​ផងដែរ គេ​សង្កេត​ឃើញ​ថា ទាំង​ម្ចាស់​អំណោយ ទាំង​មន្ត្រីរាជ​ការ ព្រះសង្ឃ លោក​យាយ​លោកតា សិស្សានុសិស្ស មានទឹក​សប្បាយ​រីក​រាយយ៉ាង​ក្រៃលែង៕ ដោយ៖ មុន្នីរ័ត + ផ្លុងរ៉េត