រថយន្តដឹកឈើល្មើសច្បាប់មួយគ្រឿងជាប់សំណាញ់សមត្ថកិច្ចទាំងព្រឹក

ថ្ងៃសៅរ៍២រោច ខែបឋមាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី២៦ខែ មិថុនា ឆ្នាំ២០២១នៅវេលាម៉ោង ៦និង៣០នាទីព្រឹក កម្លាំងចំរុះបានចុះបង្ក្រាបរថយន្តដឹកឈើ​ល្មើសច្បាប់មួយគ្រឿងនៅក្នុងស្រុកប្រាសាទបាគង ខេត្តសៀមរាប។

ក្រុមអន្តរាគមន៍បង្ក្រាបបទល្មើសនៃខណ្ឌរដ្ឋបាលព្រៃឈើសៀមរាបរួមសហការណ៍ជាមួយ នគបាលប្រធាំងបទល្មើសសេដ្ឋកិច្ចនៃស្នងការដ្ឋាននគបាលខេត្តសៀមរាប និងអធិការនគបាលស្រុកប្រាសាទបាគង បានចុះប្រតិបត្តិការបង្ក្រាបការដឹកជញ្ជូនឈើអារប្រភេទប្រណិត(ធ្នង់) ត្រង់ចំណុច ភូមិ ចំបក់ ឃុំរលួស ស្រុកប្រាសាទបាគង ខេត្តសៀមរាប ដោយធ្វើការឃាត់ចាប់ រថយន្ត TOYOTA HILANDER ពណ៌សពាក់ស្លាកលេខភ្នំពេញ2Q-5517 ដឹកជញ្ជូនឈើប្រណិត(ធ្នង់)ចំនួន១៤ដុំ ស្មើនឹង១,៣៩៤ម៉ែត្រត្រីគុណដែលដឹកជញ្ជូនដោយគ្មានលិខិតអនុញ្ញាត្តិពីរដ្ឋបាលព្រៃឈើ (អ្នកបើកបរចុះពីរថយន្តរត់គេចខ្លួនបាត់)។

បច្ចុប្បន្នវត្ថុតាងត្រូវបានយកមករក្សាទុកនៅថ្នាលបណ្តុះកូនឈើរបស់ផ្នែករដ្ឋបាលព្រៃឈើបន្ទាយស្រី ស្ថិតនៅភូមិព្រះដាក់ឃុំព្រះដាក់ ស្រុកបន្ទាយស្រីខេត្តសៀមរាប ដើម្បីកសាងសំណុំរឿងតាមនិតិវិធីស្តីពីព្រៃឈើបញ្ជូនទៅថ្នាក់លើ៕