ព្រះករុណាព្រះបាទសម្តេចបរមនាថ នរោត្តម សីហមុនី ព្រះចៅក្រុងកម្ពុជា បានត្រាស់បង្គាប់

ព្រះករុណាព្រះបាទសម្តេចបរមនាថ នរោត្តម សីហមុនី ព្រះចៅក្រុងកម្ពុជា នៅថ្ងៃព្រហស្បត៍ ៩រោច ខែភទ្របទ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹតថ្ងៃទី៣០ ខែកញ្ញា ឆ្នាំ២០២១នេះ ព្រះអង្គបានត្រាស់បង្គាប់ផ្ទេរភារកិច្ច និងតែងតាំងមន្រ្តីរាជការចំនួន៧រូបដូចខាងក្រោម៖

១.ផ្ទេរភារកិច្ចឯកឧត្តម ងួន រតនៈ ឋានន្តរស័ក្តិឧត្តមមន្ត្រី ថ្នាក់លេខ២ ពីអភិបាលនៃគណៈអភិបាលខេត្ត​បាត់ដំបង ទៅជាអភិបាល​នៃគណៈអភិបាលខេត្តកំពង់ធំ។

២.ផ្ទេរភារកិច្ចឯកឧត្តម សុខ លូ ឋានន្តរស័ក្តិឧត្តមមន្ត្រី ថ្នាក់លេខ១ ពីអភិបាលនៃគណៈអភិបាលខេត្ត​កំពង់ធំ ទៅជាអភិបាល​នៃគណៈអភិបាលខេត្តបាត់ដំបង។

៣.ផ្ទេរភារកិច្ចឯកឧត្តម ម៉ៅ ធនិន ឋានន្តរស័ក្តិឧត្តមមន្ត្រី ថ្នាក់លេខ១ ពីអភិបាលនៃគណៈអភិបាលខេត្ត​​ពោធិ៍សាត់ ទៅជាអភិបាល​នៃគណៈអភិបាលខេត្តកំពត។

៤.ផ្ទេរភារកិច្ចឯកឧត្តម ជាវ តាយ ឋានន្តរស័ក្តិឧត្តមមន្ត្រី ថ្នាក់លេខ១ ពីអភិបាលនៃគណៈអភិបាលខេត្ត​​កំពត ទៅជាអភិបាល​នៃគណៈអភិបាលខេត្តពោធិ៍សាត់។

៥.តែងតាំងឯកឧត្តម ញ៉ែម សំអឿន ឋានន្តរស័ក្តិឧត្តមមន្ត្រី ថ្នាក់លេខ៤ ជាអភិបាល ​នៃគណៈអភិបាលខេត្តរតនគីរី។

៦.ផ្ទេរភារកិច្ចឯកឧត្តម ថង សាវុន ឋានន្តរស័ក្តិឧត្តមមន្ត្រី ថ្នាក់លេខ១ ពីអភិបាលនៃគណៈអភិបាលខេត្ត​រតនគីរី ទៅជាអភិបាល​នៃគណៈអភិបាលខេត្តមណ្ឌលគីរី។

៧.ផ្ទេរភារកិច្ចឯកឧត្តម ស្វាយ សំអ៊ាង ឋានន្តរស័ក្តិឧត្តមមន្ត្រី ថ្នាក់លេខ១ ពីអភិបាលនៃគណៈអភិបាលខេត្ត​មណ្ឌលគីរី ទៅជាអភិបាល​នៃគណៈអភិបាលខេត្តស្ទឹងត្រែង។

ព័ត៌មានលំអិតសូមអានឯកសារដែលបានភ្ជាប់មកជាមួយដូចខាងក្រោម។ ដោយ៖ ផ្លុងរ៉េត