កក្រើកឡើងវិញហើយមេឈ្មួញបំផ្លាញព្រៃឈើដ៏ល្បី ឈ្មោះ ហូវ ជីវ៉ៃ ប្រចាំទិសឦសាន

ស្រុកលំផាត់ ឃុំជ័យឧត្ដម ចំណុចអូរល្ពាក់ គីឡូលេខ ២៤៣ កែវសីមា តាអង៥៣ ឧក្រិត​ជនបំផ្លាញព្រៃឈើឈ្មោះ ហូវ ជីវ៉ៃ ពិតជាខ្លាំងមែនផ្អាកតែមួយរយៈខ្លី ឥឡូវរបួសចាស់រើឡើងវិញហើយ ទោះជាមានការទប់ស្កាត់បង្ក្រាបពីមន្ត្រីពាក់ព័ន្ធដូចជា មន្ត្រីជំនាញរដ្ឋបាលព្រៃឈើ មន្ត្រីអភិរក្សព្រៃឈើ មន្ត្រីបរិស្ថាន កងរាជអាវុធហត្ថ យ៉ាងណាក៏ដោយ ឧក្រិដ្ធជនជើងខ្លាំងរូបនេះគឺផ្អាកដំណើរការមិនបានប៉ុន្មានថ្ងៃទេ គឺបានតែមួយចម្អិនកំពឹសតែប៉ុណ្ណោះ ឥឡូវជំងឺចាស់រើឡើងវិញហើយ

ជាក់ស្ដែងកាលពីថ្ងៃទី២១ ខែមិថុនា ឆ្នាំ២០២២ ប្រភពពីប្រជាពលរដ្ឋបានរាយការណ៍មកអង្គភាពយើងខ្ញុំថា មេឈ្មួញដ៏ល្បីឈ្មោះប្រចាំភូមិភាគឦសានឈ្មោះ ហូវ ជីវ៉ៃ បានធ្វើសកម្មភាពកាប់យកអនុផលព្រៃឈើដែលជាព្រៃអភិរក្ស នៅចំណុចអូរល្ពាក់ ឃុំជ័យឧត្តម ស្រុកលំផាត់ ខេត្តរតនគិរី ព្រំប្រទល់ជាប់ស្រុកកោះញែកខេត្តមណ្ឌលគិរីស្ថិតក្នុងគីឡូម៉ែត្រលេខ២៤៣ កែវសីមា គីឡូលេខ៥៣តាអង។ ហើយចំណុចអូរល្ពាក់ ដែលឧក្រិដ្ឋជនកាប់ប្រមូលអនុផលព្រៃឈើ ដោយគេដឹងថាជាព្រៃអភិរក្សហើយ មេឈ្មួញរូបនេះបានដាក់គូកនជាមេកាមើលកម្មករនៅចំណុចនោះមានឈ្មោះ ម៉ាប់ ជាអ្នកមើលការខុសត្រូវកាប់ឈើនិងដឹកជញ្ជូនអនុផលព្រៃឈើចេញជារៀងរាល់យប់ ឆ្ពោះទៅប្រទេសវៀតណាម តាមច្រកអូរយ៉ាដាវ ដើម្បីលក់យកលុយដាក់ហោរប៉ាវ និងចែកដល់មន្ត្រីពុករលួយជាច្រើននាក់ទៀត ។

ប្រភពដែលស្និតនិងមេឈ្មួញ សុំមិនបញ្ចេញឈ្មោះប្រាប់ទៀតថា ជនបំផ្លាញព្រៃឈើ ហូវ វ៉ៃ រូបនេះគ្មាន    មន្ត្រីណាហ៊ានរារាំទប់ស្កាត់ឡើយ ព្រោះគេបានរត់ការសែនព្រេនចងជុំនាញតំាងពីរថ្នាក់មូលដ្ឋានភូមិឃុំស្រុក ខេត្ត រួចអស់ហើយ ។ បើសិនចង់ឲ្យមានការទប់ស្កាត់មានប្រសិទ្ធភាពមានតែរាយការណ៍ជូនទៅដល់ថ្នាក់លើដូចជា ៖ ទី១.លោកនាយឧត្តមសេនីយ៍សៅ សុខា ជាមេបញ្ជាការកងរាជអាវុធហត្ថលើផ្ទៃប្រទេស,  ទី២.ឯកឧត្តម វេង សុខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និង ទី៣.ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន។

សូមឯកឧត្តមទាំងបីរូបខាងលើ ជួយអន្តរាគមន៍ដាក់កម្លាំងអធិការកិច្ចចំរុះ ចុះបង្ក្រាបជាបន្ទាន់បើសង្ឃឹមលើមន្ត្រីកូនចៅថ្នាក់​ក្រោមប្រចាំនៅតំបន់មូលដ្ឋាននេះកំពុងតែត្រូវថ្នាំសណ្តំរបស់ឧក្រិតជនមេឈ្មួញឈើដ៏ល្បី ហូវ ជីវ៉ៃ នេះអស់ហើយទាន៕ ដោយ៖ សហការី