គេសង្កេតឃើញថា តាំងពីលោកកើតវណ្ណារ៉េត ឡើងកាន់តំណែងជាព្រះរាជអាជ្ញាអមសាលាដំបូងខេត្តសៀមរាបប៉ុន្មានខែកន្លងទៅនេះ បទល្មើសព្រៃឈើហាក់មានការបង្រ្កាបយ៉ាងក្តៅគគុគគួរអោយកត់សម្គាល់។
ជាក់ស្តែងនៅថ្ងៃទី១៧ ខែមិថុនា ឆ្នាំ២០១៤ វេលាម៉ោង៩ព្រឹកនេះ លោក លី-សុផា នាយសង្កាត់រដ្ឋបាលព្រៃឈើស្តីទី ឃុំស្រែណូយ ស្រុកវ៉ារិន ខេត្តសៀមរាប បានដឹកនាំកម្លាំងចុះបង្ក្រាបគោយន្តកែច្នៃដឹកឈើអត់ច្បាប់មួយគ្រឿង ក្រោមបញ្ជារបស់លោក ទា-គឹមសុទ្ធ នាយខណ្ឌរដ្ឋបាលព្រៃឈើខេត្តសៀមរាប និងលោក កើត-វណ្ណារ៉េត ព្រះរាជអាជ្ញាសាលាដំបូងខេត្តសៀមរាប នៅចំណុចភូមិព្រៃខ្នុរ ឃុំស្រែណូយ ស្រុកវ៉ារិន។
តាមប្រភពច្បាស់ការពីប្រជាពលរដ្ឋនៅឃុំស្រែណូយបានអោយដឹងថា ម្ចាសគោយន្តដឹកឈើខាងលើមានឈ្មោះ ចិត្រ ភេទប្រុស អាយុប្រហែល ជាង៣០ឆ្នាំ មានអាស័យដ្ឋានភូមិព្រៃខ្នុរខាងលើ។ ពលរដ្ឋបន្តថា លោកចិត្រដឹកឈើពីចំណុចភូមិអូរកូនតឹង ឃុំស្រែណូយ យកទៅលក់ចែកចាយនៅស្រុកវ៉ារិន ស្រុកស្រីស្នំ ស្រុកពួក ខេត្តសៀមរាប។ ពលរដ្ឋបន្តទៀតថា លោកចិត្រដឹកឈើស្ទើជារៀងរាល់ថ្ងៃដោយមិនមានសមត្ថកិច្ចណាគេអើពើនោះទេ ដោយពួកគាត់សង្ស័យថា ប្រហែលជាមានការត្រូវរូវគ្នារវាងអ្នករកស៊ី និងសមត្ថកិច្ចពាក់ព័ន្ទ។
ប្រភពពីអ្នកសារព័ត៌មានជាច្រើននៅឃុំស្រែណូយបានបង្ហើបដែរថា លោកចិត្រ មិនត្រឹមតែរកស៊ីដឹកឈើអត់ច្បាប់នោះទេ ថែមទាំងយករថយន្តពណ៍ត្រេអ៊ី ពាក់ស្លាក់លេខ ខេមរភូមិន្ទ 2-9740 បើកកាង និងរតការឈើតាមដងផ្លូវ ដែលរថយន្តខាងលើជារថយន្តរបស់រដ្ឋ និងជាកម្មសិទ្ធរបស់កងទ័ព។ ពួកគាត់បន្ថែមថា ទង្វើបែបនេះធ្វើអោយមជ្ឈដ្ឋានទូទៅគេរិះគន់ថា យករថយន្តកងទ័ពទៅរតការឈើបែបនេះធ្វើអោយប៉ះពាល់ដល់សេចក្តីថ្លៃថ្លូររបស់អង្គភាពកងទ័ពដែលជាអង្គភាពធ្លាប់តែមានគេរឈ្មោះស្អាតស្អំ។
យោងតាមប្រភពព័ត៌មានមិនទាន់ជាផ្លូវការណ៍បានលួចបង្ហើបថា លោកចិត្រ កំពុងរតរកធ្វើឯកសារពីអាជ្ញាធរ បញ្ជាក់ថា ឈើរបស់គាត់ជាឈើទិញទុកធ្វើផ្ទះ បន្ទាប់ពីរដ្ឋបាលព្រៃឈើសង្កាត់ស្រែណូយចាប់យកឈើ និងគោយន្តកែច្នៃទៅដាក់ទុកជាវត្ថុតាងនៅឯសង្កាត់នៅព្រឹកនេះ។
ពលរដ្ឋឃុំស្រែណូយសាទរចំពោះរដ្ឋបាលព្រៃឈើ និងតុលាការ ដែលបានបង្ក្រាបបទល្មើសព្រៃឈើខាងលើនេះ ព្រោះកន្លងមកឈ្មួញដឹកឈើខុសច្បាប់រូបនេះ (លោកចិត្រ) អួតក្អេងក្អាងថា គ្មានអ្នកណាហ៊ានចាប់ឈើរបស់គេទេនៅទឹកដីខេត្តសៀមរាបនេះ។
នៅរសៀលថ្ងៃដដែលនេះលោក លី-សុផា នាយរងសង្កាត់រដ្ឋបាលព្រៃឈើស្តីទីឃុំស្រែណូយបានអោយដឹងថា ឈើដែលចាប់បានខាងលើខាងរដ្ឋព្រៃឈើបានដកហូតទុកជាសម្បត្តិរដ្ឋ ឯគោយន្តកែច្នៃដែលជាមធ្យោបាយដឹកជញ្ជួន ម្ចាសសុំបង់ពិន័យអន្តរកាលនៅឯខណ្ឌរដ្ឋបាលព្រៃឈើខេត្ត ដើម្បីយកទៅប្រើប្រាស ឬដឹកឈើខុសច្បាប់បន្តទៀត។
លោក ចិត្រ ថៅកែរកស៊ីដឹកឈើខុសច្បាប់ខាងលើបានឆ្លើយដោះសារប្រាប់អ្នកយកព័ត៌មានយើងតាមទូរស័ព្ទនៅព្រឹកថ្ងៃទី១៨នេះថា លោកដឹកឈើតែ១ម៉ែត្រគូប យកមកធ្វើផ្ទះសោះអ្នកកាសែតទៅថតរូបហៅមេព្រៃអោយទៅចាប់អស់រលីង។ លោកចិត្របន្តថា លោកឈប់ដឹកទៀតហើយ បើឃើញដឹកទៀតសូមអោយសមត្ថកិច្ចចាប់ចុះ។
អ្នកយកព័ត៌មានបីនាក់នៅឃុំស្រែណូយបានអោយដឹងថា ឈើនៅលើរថយន្តខាងលើគឺនៅសល់តែពាក់កណ្តាលទេ ឯពាក់កណ្តាលទៀតត្រូវបានលោកចិត្រប្រើកម្មករ អោយទំលាក់ចុះនៅព្រៃក្រោយផ្ទះរបស់គាត់មុនមេព្រៃទៅដល់។ ពួកគាត់បន្ថែមថា លោកចិត្រជាមេឈ្មួញរកស៊ីដឹកឈើដុះស្លែយូរហើយ មិនមែនដឹកឈើយកមកធ្វើផ្ទះនោះទេ ហើយឈើដែលមេព្រៃចាប់ខាងលើនេះ បើសរុបទាំងនៅលើគោយន្ត និងឈើដែលបានទំលាក់ចុះមុនមេព្រៃទៅដល់នោះវាមានចំនួនប្រហែល១០ម៉ែត្រគូប មិនមែន១ម៉ែត្រគូបទេ(សូមមើលរូបភាព)៕ ដោយ៖ ផ្លុង-រ៉េត






រយៈពេលប៉ុន្មានឆ្នាំចុងក្រោយនេះគេសង្កេតឃើញថា មានមន្ទីរពេទ្យឯកជនជាច្រើនបានបើកព្យាបាលអ្នកជំងឺនៅក្នុងខេត្តសៀមរាប ក្នុងនោះមានមន្ទីរពេទ្យមួយដែលមានយីហោ មន្ទីរសំរាកព្យាបា...Read more
រទេះគោដឹកឈើខុសច្បាប់ចំនួន១៥គ្រឿងត្រូវបានសង្កាត់រដ្ឋបាលព្រៃឈើឃុំស្រែណូយរឹបអូសទាំងតឹងដើមទ្រូងបន្ទាប់ពីមានជំនាញមួយចំនួនបានទៅយកលុយអស់ជាង២លានរៀលរួចមក។
មន្ត្រីរដ្ឋបាលព្រៃ...Read more
ជំនួញឈើប្រណិតប្រភេទធ្នុងកំពុងសម្រុកដឹកជញ្ជូនយ៉ាងគំហុកអាណាធិបតេយ្យទៅប្រទេសវៀតណាមតាមរយៈរថយន្តសាំយ៉ុង និងរថយន្តស៊េរីទំនើបដូចជា លុច្សស៊ីស បាឡែន ធុនត្រា ឡង់គ្រីស័រ ហាយឡែនដ័រជា...Read more
ពុទ្ធោ! កូនប្រុសមាសម្តាយ
កូនប្រុសមាសម្តាយ ម្តាយនឹកកូនណាស់ ម្តាយស្មានតែកូនបានទទួលសេចក្តីសុខសាន្តក្នុងសង្គមគ្រួសាររបស់កូនហើយ តែបន្ទាប់ពីម្តាយបានអានសំបុត្ររបស់កូនទើបម្តា...Read more
សកម្មភាពរថយន្តពណ៍ត្រេអ៊ីពាក់ស្លាកលេខខេមរភូមិន្ទ ដឹកឈើខុសច្បាប់ពីស្រុកវ៉ារិនមកក្រុងសៀមរាបរាប់សិបគ្រឿងនៅពេលយប់ តែមិនមានមន្រ្តីជំនាញ ឬក្រុមសមត្ថកិច្ចណាធ្វើដឹងធ្វើលឺ...Read more
កាលពីថ្ងៃទី០៩ ខែកញ្ញា ឆ្នាំ២០១៤ ម្សិលមិញ អង្គការតម្លាភាពកម្ពុជា បានចេញផ្សាយនូវរបាយការណ៍ ដែលខ្លួនខិតខំស្រាវជ្រាវចងក្រងអស់រយៈពេល២ឆ្នាំ ដោយវាយតម្លៃទៅលើស្ថាប័នចំនួន១៣ រាប់ទាំងស្ថាប័នតុល...Read more
បើយោងតាមសេចក្ដីរាយការណ៍ពីប្រជាពលរដ្ឋក្នុងឃុំរកាត និងឃុំសន្ទ្រែ ស្រុកភ្នំក្រវាញ ខេត្តពោធិ៍សាត់ បានឲ្យដឹងថា រយៈពេលប៉ុន្មានខែកន្លងទៅនេះបទល្មើសកាប់ឈើនិងដឹកជញ្ជូនឈើចេញពី ព្រៃក្នុងត...Read more
ពលរដ្ឋខេត្តសៀមរាបបានធ្វើការរិះគន់ធ្ងន់ៗថា អ្នកគ្រប់គ្រងអគ្គីសនីខេត្តបានធ្វើការចែកចាយភ្លើងមិនមានតម្លាភាពបន្ទាប់ពីភ្លើងបានដាច់ ដោយសាខ្យល់បក់លាយភ្លៀងបណ្តាលអោយបង្គោលភ្លើងបាន...Read more
| ថ្ងៃនេះ | 1462 | នាក់ |
| ម្សិលមិញ | 1928 | នាក់ |
| សប្ដាហ៍នេះ | 7247 | នាក់ |
| ខែនេះ | 38170 | នាក់ |
| ឆ្នាំនេះ | 320822 | នាក់ |
| សរុប | 57672218 | នាក់ |
| ថ្ងៃទី 18 ខែ 06 ឆ្នាំ 2026 ម៉ោង 18:20 |
Copyright © 2026 Kampuchea Sovanphum News. All Right Reserved. phlongret@ksnews.info 012 703 914 Designed By: it-camservices.net

