គ្រូពេទ្យនៅ គ្លីនិកប្រសិទ្ធ ខ្វះបច្ចេកទេសធ្វើអោយស្ត្រីម្នាក់ស្លាប់

ស្ត្រី​ម្នាក់​មាន​ផ្ទៃពោះ​គ្រប់​ខែ​នៅ​ថ្ងៃទី​០៩ ខែមករា ឆ្នាំ ២០១៣ មាន​អាកា​រៈ​ដូចជា​មិន​ស្រួល​ក្នុង​ខ្លួន​ចេះ​​តែ​ឈឺពោះ​ក៏​ធ្វើដំណើរ​ទៅកាន់​ក្លីនិក​ឯកជន​មួយកន្លែង​ឈ្មោះ ក្លីនិក​ប្រសិទ្ធ ដែលមាន​ទីតាំង​ស្ថិតនៅ​ខាងក្រោយ​ផ្សារ​ត្រី​ក្រុង​ប៉ោយប៉ែត ភូមិ​បា​លិ​លេ​យ្យ សង្កាត់ បា​លិ​លេ​យ្យ ក្រុង​ប៉ោយប៉ែត ។​ ​

​ខណៈពេលដែល​ចូលដល់​ក្លីនិក​ឯកជន ​ដែលមាន​យីហោ ប្រសិទ្ធ គ្រួ​ពេទ្យ​សម្ភព​បាន​ពិនិត្យ​និង​ព្យាបាល​ជម្ងឺ ក្រោ​ពី​ពេលដែល​ទទួលបាន​អ្នក​ជំ​ម្ងឺ​ត្រូវ​ឆ្លងទន្លេ​រូម​នោះ។ មួយសន្ទុះ​ក្រោយមក​ដោយសារ​អ្នក​ជម្ងឺ​មានការ​ធ្លាក់ឈាម​ច្រើនពេក គ្រូវ​ពេទ្យ​ខាល​លើ​​ក៏បាន​​បញ្ជូន​អ្នក​ជម្ងឺ​ទៅកាន់​មន្ទី​ពេទ្យ មិត្តភាព​កម្ពុជា​-​ជប៉ុន ដែលមាន​ទីតាំង​ស្ថិតនៅ​ស្រុក​មង្គល​បូរី​។​ ​ជា​អកុសល​គ្រូពេទ្យ​នៅ​ទី​នោះបាន​ជួយសង្គ្រោះ​បានតែ​ទារក រីឯ​ម្តាយ​ត្រូវស្លាប់​នៅ​មន្ទី​ពេទ្យ​នោះ​តែម្តង​នៅវេលា​ម៉ោង ២​និង ១៥​នាទី​យប់​ឈានចូល​ថ្ងៃទី​១០​ខែធ្នូ​ ឆ្នាំ២០១៣។​ ​ស្រី​ជា​ជនរងគ្រោះ​មានឈ្មោះ ហួង ស្រី​ហួន អាយុ ៣១ ឆ្នាំ រស់នៅ​ភូមិ​អូ​ឫស្សី​លើ សង្កាត់​ផ្សារកណ្តាល ក្រុង​ប៉ោយប៉ែត​ខេត្តបន្ទាយមានជ័យ​ ឯ​ប្ដី​ជនរងគ្រោះ ឈ្មោះ ឡាយ សុផល អាយុ​៣៤​ឆ្នាំ​ ចំណែក​ទារក​ដែល​កើត​បណ្ដាល​ឲ្យ​ស្លាប់​ម្ដាយ​នោះ គឺជា​កូន​ទី​២​។​

ប្រ​ភ​ព័ត៌មាន​ពី​ក្រុមគ្រួសារ​ជនរងគ្រោះ បាន​ប្រាប់​ឲ្យ​អ្នកសារព័ត៌មាន​អោយដឹងថា ស្ត្រី​ដែល​ឆ្លងទន្លេ​ទទួល​មរណៈភាពនេះ​ បានរួម​រស់​ជាមួយគ្នា​យ៉ាង​សុខ​សាន្ត មិនដែល​ឈ្លោះប្រកែក​គ្នា​ឡើយ រហូត​មាន​ផ្ទៃពោះ​គ្រប់​ខែ​ត្រូវ​បង្កើត​​កូនប្រុស​មួយទៀត តែ​ជា​អកុសល់​ម្ដាយ​ត្រូវបាន​ទទួលមរណៈភាព​ចោល។ ប្រ​ភព​បន្ថែមថា ដោយ​គ្រូពេទ្យ​ឯកជន​​គ្លីនិក​​ប្រសិទ្ធ ធ្វើ​ការខុស​បច្ចេកទេស ​ដាច់​កន្ទុយ​លិន បណ្ដាល​ឲ្យ​ឈាម​ធ្លាក់​ច្រើ​ពេក ទើប​ប​ញ្ជូ​ល​ខ្យល់​អុកស៊ីសែន ហើយ​​បាន​បញ្ជូនទៅ​មន្ទីរពេទ្យ ស្រុក​មង្គល់បុរី​ទាំង​យប់​។

អ្នក​យក​ព័ត៌​មាន​យើង​ពុំ​ទាន់​អាច​សុំ​ការ​បំ​ភ្លឺពី​ក្រុម​គ្រូពេទ្យ ឬ​ពី​ថៅ​កែ​គ្លីនិក​ខាង​លើ​បានទេ​ ព្រោះ​ទូរ​ស័ព្ទ​មិន​ចូល៕